គណៈកម្មាធិការប្រព្រឹត្តិកម្ម នៃអង្គការ-សមាគមការពារសិទ្ធិមនុស្សកម្ពុជា ហៅកាត់ថា (គណៈកម្មា- ធិការប្រព្រឹត្តិកម្ម) និង ហៅជាភាសាអង់គ្លេសថា Cambodian Human Rights Action Committee (CHRAC or Action Committee) បានកើតឡើងចាប់ពីថ្ងៃទី០២ ខែសីហា ឆ្នាំ១៩៩៤ ដោយអង្គការ-សមាគមមិនមែន រដ្ឋាភិបាលក្នុងស្រុក។ ស្ថាបនិកមួយក្រុមដែលមានគោលបំណង​រួមគ្នា ក្នុងការលើកស្ទួយវិស័យសិទ្ធិមនុស្ស លទ្ធិប្រជាធិបតេយ្យ និងការអភិវឌ្ឍនៅក្នុងព្រះរាជាណាចក្រកម្ពុជា។ ការបង្កើតគណៈកម្មាធិការប្រព្រឹត្តិកម្ម នេះឡើង គឺ មានរយៈពេល១ឆ្នាំ បន្ទាប់ពីរាជរដ្ឋាភិបាលចំរុះកម្ពុជាមួយត្រូវបានបង្កើតឡើងតាមរយៈការផ្តល់ សេចក្តីទុកចិត្តដោយសភាធម្មនុញ្ញ ដែលបានកើតចេញពីការបោះឆ្នោតជាសកលជាលើកដំបូងក្រោយពី មានសង្គ្រាមស៊ីវិលជាច្រើនឆ្នាំ ក្រោមការជួយរៀបចំរបស់អាជ្ញាធរបណ្តោះអាសន្នអង្គការសហប្រជាជាតិ ប្រចាំប្រទេសកម្ពុជាហៅកាត់ថា អ៊ុនតាក់ ។ ចាប់ពីពេលកកើតមក មានសមាជិកថ្មីៗ សុំចូលជាសមាជិកភាព នៅក្នុងគណៈកម្មាធិការប្រព្រឹត្តិកម្មជាបន្តបន្ទាប់។ បច្ចុប្បន្ននេះ គណៈកម្មាធិការប្រព្រឹត្តិកម្ម គឺជាសម្ព័ន្ធ នៃ អង្គការ-សមាគម មិនមែនរដ្ឋាភិបាល​ក្នុងស្រុកចំនួន២១ ដែលកំពុងបំពេញការងារ នៅព្រះរាជាណាចក្រ- កម្ពុជា ដែលសុទ្ធតែជាអង្គការ-សមាគមឯករាជ្យ អព្យាក្រឹត មិនបំរើគណបក្ស នយោបាយណាមួយ និងធ្វើ សកម្មភាពមិនស្វែងរកកំរ៉ៃ។